May 31, 2010

تخدير


أنا منّي و علي تخدرت بصراحة…

كل إشي صار عادي, ناشطين البيئة و حماية الموارد الطبيعية عفّنو, ناشطين المحافظة على الثروة الحيوانية صابهم أنفلونزا الحيوانات كلها, ناشطين حقوق الإنسان عم بيموتو.

ما حدا بسمع… ما حدا بيشوف… بس في حدا بيحكي… و لاحظو شو بيحكي…

في تقرير لموقع الجزيرة عن ردود الفعل للدول على مجزرة قافلة الحرية مع بعض التعديلات مني عشان تنفهم أكثر:

إسماعيل هنية يتصل بأمير قطر, و محمود عباس يطالب الأمم المتحدة بالوقوف في وجه إسرائيل أما محمد بركة و جمال زحالقة يحملان رئيس الوزراء الإسرائيلي ووزير الدفاع مسؤولية المجزرة!!!... على صعيد آخر الأردن يستدعي السفير الإسرائيلي ولبنان من جهتها تدين الإعتداء أما سوريا كالعادة تطالب بإجتماع عاجل لجامعة الدول العربية. ووصف امير قطر الإعتداء على الأسطول بـ (الغير إنساني!!!!) أما مصر بمواقفها المحبوبة عربياً و عالمياً تدين و تستدعي السفير الإسرائيلي على العشاء, و السودان خليهم بحالهم الله يعينهم, اليمن تصطف مع مصر و لبنان و جامعة الدول العربية وتدين وتشجب و تستنكر الأفعال الصهيونية الغير إنسانية البنت الكلب...و عمرو موسى من جهته قلك ليش يكتب خطاب جديد فأعاد الخطاب تاع حرب غزة...

بس مشالله عليهم صارو يوزعوها بينهم, إشي بيندد إشي بيدين إشي بستدعي السفير عالعشا إشي عالغدا عشان الشعب ما يزهق, يا جماعة خدّرتونا... نفسي صار أسمع ايا إشي جديد, نفس الحكي نفس الحكي و مجلس الأمن و الأمم المتحدة و جامعة الدول العربية بحكي يفرطوهم مبدئياً, أنا محاسب وبعرف إسمعو مني كلها تكاليف زيادة إفرطوها! و أفرطو معا القانون الدولي, ولا ليش تفرطو ؟ ما هو فارط... و أنا عم بكتب بهالمقال 19 واحد مات...
19 مش رقم...
19 روح...
19 حياة...
19 مستقبل...
19 إنسان...

لازم نرجع و نقرأ الخبر مرتين... أول مرة عشان نعرف شو عم بيصير... ثاني مرة نفكر بالأرقام... نحاول نطلع من مرحلة التخدير و نقنع حالنا إنهم بشر...

شكراً لتركيا ذكرتنا إنه في حصار لسه على غزة...


12 comments:

  1. Borinnnnng !!!
    u should do some changes in the way you describe

    ReplyDelete
  2. Thanks safa' for reading... momken el marra el jay testamte3i aktar bel nas ylle 3m bemooto bs ma 3refet keef bddi amatt3ek...
    no need to describe it in other way... its already being sarcastic without doing anything...

    ReplyDelete
  3. no i mean the way u write
    its so predictable not about the subject so dnt switch my words!

    boring is the way u write u should make some changes

    ReplyDelete
  4. first of all i didnt switch your words, you said boring so you expecting to be entertained, and i dont know how to entertain you with ppl's death, i tried to make it simple the article it self called Ta5deer, so ana t5addaret, ento bs bedkom wa7ad y6a33em mn awal el maqal la 2a5ro betfesho 3'ollkom...
    forget the way just stick to the idea... and i'm not going to change my way cuz safa' is Bored...
    its so predictable ? its great thats what i wanted you to know... enno kol el 7aki ta3 el politics predictable... did you expect something more?
    anyways thanks for passing by...
    :)

    ReplyDelete
  5. uffffffffffffffff ba7ki bel shar2 w bte7ki bel 3'arb all am saying 2nno sarat tare2et ketabtak momeleh !!!!! sho da5al gaza wallah ppl death or the subject it self
    and yes it should be entertaining be 3'ad al nazar sho al mawdoo3
    i should not get bored when am reading 7atta law 25bar pl death , or what ever it was ... any how hada na8ed banaa2 i know that alot of ppl like the way u write me 2 :)
    bs its time to do some improvements thats all
    w hada my personal opinion

    ReplyDelete
  6. Thanks for your opinion i do appreciate it :)

    ReplyDelete
  7. يزيد
    بصراحة اضحت لما شفت نقاشك انت وصفاء لأنه عكس رأيي اللي كنت بدي اكتبلك ياه

    بصدق هاي المرة بالذات مقالك جدا حلو , ومترابط ومش ممل ابدا , كان ممكن اقول عن بعض كتاباتك اللي قبل انه فيها ملل او فيها نفس النسق ونفس طريقة الحكي وما بتثير القارئ
    بس بتحذير كلامك حلو وبمحلّه والسخرية هاي المرة جاي عالوجع وطالعة بطريقة تلقائية كتير
    الأفكار مترابطة حبيت البداية , ولُب الموضوع ,والنهاية رائعة

    بالنسبة للموضوع ,,, يمكن حالة العجز اللي عم نحسها بتخلينا نقرف من كل ردة فعل كلامية عم بتتخذها حكوماتنا العربية
    بتعرف يزيد :( اللي صار كتير كسّر جوّانا اشياء
    ماحدا قادر يوقف بوجه اسرائيل
    فعلا كل الجمعيات وكل اتحادات حقوق الإنسان صفت متلنا عاجزة ,, مهو يا إما هي عاجزة وزي ما قلت إنت صفّا كل شغلهم هو كلام بكلام, أو انه الشعب الفلسطيني ما بيندرج تحت فصيلة انسان ؟!!! بالتالي لا اله روح ولا حقوق ولا مستقبل ولا حياة !!!

    الجمعيات ومنظمات حقوق الإنسان عاجزة
    حكوماتنا عاجزة
    الحكومات الأقوى عاجزة
    احنا كأفراد عاجزين
    افضل وسيلة كان ممكن يفكر فيها أي انسان عنده ضمير وبدو يدعم ضد الحصار كانت انه يصير شي متل الأسطول البحري وللأسف منعوه من الوصول

    طيب شو نعمل ؟؟؟!!
    احنا صورة للهزيمة اللي عم نحاول نعلّقها عحكوماتنا

    وآخرتها مع اسرائيل
    فرصة يعني انه بس بدنا نعيشششش

    ReplyDelete
  8. انا متأكده ان لو يسمحو للناس تجاهد نص اللي بحكو هلأ ما حيتحركو, لكن خلينا ننسى هدول المتخاذلين ونركز عالنص اللي ممكن يتحرك, لكن للاسف مش مسموح اشي
    لا جهاد ولا قتال ولا مسيرات ولا هتافات....ولا حتى نفس

    حسبي الله و نعم الوكيل

    ReplyDelete
  9. this morning i had the same thoughts in my mind they all went " nashjob, nodien, nastanker" then what??!1 even when ppl went on the thoughts that they have to do something themselves Israel didnt care neither the jokers that work for her, they got them dead in international waters not even close to her jurisdiction..allah yr7mhom o yr7mna 2blhom they r the lucky ones, even iza ma mato shohada , mato for an idea the blv in

    ReplyDelete
  10. لول مال صفاء معصبه عليك هههه يا زلمه ما اتحطلك حاجه فرفوشه اشويه ليش هيك صاير ما بتعرف تكتب ههه
    شكلها بدها تتفشش بحدا اجت عليك ;D

    والله تخدير تخدير هينا بنشوف بصحو اشويه رؤسائنا عشان يسكتوا الشعوب وبرجعو بنام تاني لكن خليهم بكرا الدور عليهم الله لا يهديهم

    الله يرحم الشهداء ويكون بعون الاسرا ويصبر اهليهم :(

    ReplyDelete
  11. انت اكيد ما سمعت خطاب الجامعة العربية النهائي
    لو سمعتوا لكنت غيرت رايك
    اول سبب لانوا في واحد هندي اللي كاتبوا
    من اول ما صار في عداد على الشاشات لتبين عدد الضحايا تحولنا لرقم
    و يمكن بايا ظرف نكون الرقم الجاي
    الله اعلم

    ReplyDelete
  12. ريييييم تعليق كالعادة أكثر من رائع... في شغلات جوانا ماتت و بدها كثير تترجع و بنتظر حلقتك أكير يوم الأربعاء عن الموضوع.. :) شكرا ريم

    Whisper هدول الناس شغل حكي وبس, كنت عم بسأل واحد إنه لو إنفتح باب الجهاد بتنزل بتجاهد؟ قلي لأ أنا بكتب فراح أجاهد بكتاباتي, قلتله و ليش محمي دمك و نازل مظاهرات و مش عارف شو!!! :S الله يعينّا بس
    شكرا :)

    Jarat أبصر شو مالها صفاء مش رايقتللي و مش عاجبها الحكي :) خليها تحكي بيني و بينك أحسن من الساكتين عيلي بيصير ;) و أهلا بعالم التخدير العربي :)

    Jafra كلامك صحيح 100% و بحمد الله إني ما سمعت خطاب الجامعة العربية!!

    شكرا لإلكم
    و أنا بقول الله يرحمنا بدل ما نترحم عالشهداء لإنه إحنا الميتين...

    ReplyDelete