June 25, 2010

... حلم مواطن

أضرب أكثر من نصف سكان المملكة بسبب رفع أسعار البنزين قرش واحد, و أصبحت المواصلات وسيلتهم للتنقل داخل المملكة و فضّل البعض ركوب الدراجات الهوائية على أن يُستغل من قبل الحكومة, أما من جهة أخرى استقال مدير عام الجمارك بعد أن سمع بخبر فرض ضرائب على السيارات الهجينة, و أضرب عدد من التجار في المنطقة الحرّة إحتجاجاً على فرض ضريبة قيمتها 50% على هذه السيارات الصديقة للبيئة ونظّم هذه الإضراب وزير البيئة الأردنية …

على صعيد آخر, تزامن قرار رفع الأسعار و فرض الضرائب على سلع كثيرة كالقهوة و رفع تعرفة الكهرباء و المياه مع الحدث العالمي الذي ينتظره الملايين كأس العالم, فشعر المواطن الأردني بإستغباء الحكومة لتفكيره وطالب بإقالة الحكومة الحالية… هذا و أيضاً قاطع المواطنون شركات الإتصالات بعد فرض ضريبة تلو الضريبة على بطاقات الشحن التي يدفعها المواطن بدلاً من أن يتم إقتطاعها من أرباح هذه الشركات...

أطلقت جمعية حماية المستهلك حملات توعية للمواطنيين وتعريفهم بحقوقهم و …

صحي السيد مواطن من النوم على خبر رفع الدعم عن بعض المنتجات و فرض ضريبة على البنزين, فراح و لحق حالو و إشترا 10 كيلو قهوة و 15 كروز دخان و فلل السيارة...

ورجع نام و هوه مبسوط و ضاحك عالحكومة....

و يلي بيحكي كلمة وحدة عن حكومتنا هادا واحد ما بيفهم, لإنه حكومتنا من أكثر الحكومات ذكاء, و عارفة يلي بتعمله...
عارفة إنه لو رفعو السعر للسما ما حدا رح يعترض...
عارفة إنه أيا حدا رح ينتقدها رح يطلق عليه لقب "غير الوطني"
عارفة إنّا شعب ناقَض نظرية علمية (لكل فعل رد فعل)
بس مش عارفة إنه بيوم ... رح ينفجر إشي... يا إما المواطن... يا إما الخزينة قد ما لمّو مصاري...

10 comments:

  1. بداية الموضوع حست لازم يكون عنوانه..يحصل بالصين او يحصل في اي مكان الا ببلد عربي

    المواطن بينفجر من هلأ عفكرة بس بحالات فرديه وما حد حاسس فيه
    يعني بس يكون مواطن عنده 4 اولاد 2 منهم بالجامعه و بشتغل من بداية النهار لاخر الليل و يادوب يطعمي ولاده و يدفع الاجار و المي و الكهربا و بعدين فجأة ينجلط.....طب مهاد انفجار

    الخزينه ما حتنفجر..حافرين وراها غرفة 1000*1000 م مربع 

    ReplyDelete
  2. أكيد مش رح يصير عنا :)
    و أكيد الخزينة ما رح تنفجر بما إنه في عنا مسؤولين مش مخليين سيارة إلا جايبينها ولا عزومة إلا عاملينها
    خليها على الله :)

    thanks for passing by :)

    ReplyDelete
  3. yes indeed! we're the super ppl, we can swallow anything :D + :D

    ReplyDelete
  4. مش عارفة شو السر بهالموضوع .؟
    يعني احنا شعب بنتفنن نعلق على كل شي و ما بعجبنا شي و ما بنحب انو حدا يستوطي حيطنا بس توصل لحد الاسعار .............كلو بسكت و لا حملة تضامنية وحدة و لا اضراب واحد
    كلو بعبعة على الفاضي و امرك يا اللي بتامر
    مع انو نحنا ما بنحب حدا يامرنا ؟؟
    مش غريبة هالحالة ؟

    ReplyDelete
  5. another guy wrote an interesting post about this.. here: http://3mro.wordpress.com/2010/06/28/how-to-become-homeless-in-jordan-episode-1/

    ReplyDelete
  6. Jafra :) إحنا شعب ما بيعجبنا العجب بس بالحكي أما نعمل إشي أكيد لأ

    Anonymous thanks for sharing the link :)

    Safa' thanks for passing by :)

    ReplyDelete
  7. that's a first...... i didn't know before that we had a guy who actually THINK !!!! i came here by concedence to see there's at least one person in jordan in the same line of the way i think..... keep it up... God bless you

    ReplyDelete
  8. Thanks Fadesme! i really appreciate your comment! keep visiting my blog. its been a long time since i blogged but i'm back now with a new look :)
    Thanks again

    ReplyDelete