January 8, 2010

فتح و حماس, ضفة غربية و غزة



يعني إنو شو قصة فتح و حماس, أيام الحرب على غزة ما بتسمع إلا فتح و حماس و بتسمع كنت ضفة غربية و غزة مع العلم إنو الضفة الغربية مكانها بشرق فلسطين بس سموها الضفة الغربية عشان تعرفوا إنو هون بتنتهي فلسطين يعني إنسو عكا و حيفا ويافا هدول مش إلكم, وإنتو إعترفتو بهادا الشي بتسمية ضفتكم الشرقية غربية, كان نفسي أسمع كلمة فلسطين طول الحرب حتى بالمظاهرات (فداكِ يا غزة) الإنقسام صار و صار و تغلغل فينا كمان و إحنا مش حاسيين…
أنا لا مع فتح ولا مع حماس الله ينعن أبو اللي جابهم التنين, بس لما صارت الحرب الأخيرة على غزة أنا أكيد كنت مع حماس لإنو شو ما صار هدول فلسطينية و عرب و مسلمين, ما باجي بحكي والله هدول حماس همه جابو لحالهم الحرب هاي زي واحد مصري هادا رأيه كان, إستفزني لدرجة إني شطبتو من الفيسبوك تاعي, لإنو واحد زييو الحكومة بس بدها إيا يضل يحكي هيك عشان يزيد الإنقسام أكثر و أكثر ويخلينا نفكر إنو كل الشعب المصري هيك عن طريق حملاتهم عالفيسبوك…
بعدها صارت قصة غولدستون و فضيحة السلطة الفلسطينية , طب وين الإشي الجديد بإنه السلطة الفلسطينية متواطئة مع إسرائيل و أمريكا مهوه أختي الزغيرة لما تشوف عباس بتحكي عنو عميل, بس إحنا بنحب نلت و نعجن بالحكي كثير عشان نكبر الموضوع, حجاج بجريدة الغد ما خلى إشي إلى رسمه عن الخلاف الفلسطيني الفلسطيني ويعيد ويزيد! طب خلاص فهمنا!!
بالآخر بحضر فيديو عامليته حماس و حاطينه على قناة الأقصى حاطيين في واحد من السلطة الفلسطينية عم بيجاوب على أسئلة جندي إسرائيلي بطريقة كتير بتقهر و بالآخر بيمسح طاقيته يلي بيكون عليها علم فلسطين بجزمة الجندي خلاني أكره حماس و فتح أكثر و أكثر…


8 comments:

  1. ahlan ya sadeeqi...tawwalet 3alaina...
    el daffeh el `3arbeyyeh tsammat haik l2nnha `3arb nahr el ordon...bs f3lan el mawdoo3 zad 3n 7addo...ana kont mota7ammes jeddn la 7amas bs bel akher kollo tele3 zy ba3do...7amas nezlat la mostanqa3 el rade7 wo kol el sho`3ol sar jakar wo tasjeel mawaqef msh aktar...allah yehdi el jamee3

    ReplyDelete
  2. :) ahlan sorry i was late to write this time but you know awal el saneh o 3aj2et 7sabat o sho3'ol fo2 ras el mo7aseb dayman :P
    anyways allah yehdeehom o ye3malo we7deh watanyeh o ne5las mn hal asma2 hay kollha :)
    thanks for passing by... :)

    ReplyDelete
  3. Ya allah 2awal ma shofna hal vedio shoo n2aharna...dalena 6ool el elyoum ne7kee 3an halmanzar, 7arakeh kteeer 3'ala6 kanat :$

    ReplyDelete
  4. i agree whisper..
    thanks for passing by :)
    hope you're doing good zaman 3nnek ;)

    ReplyDelete
  5. تعليقي على الفيديو فقط/ بروباغندا وقحة ومقرفة من عمل حماس، خليهم يعبوا الشعب ليموت ويحرموه أكثر فأكثر حتى يبقوا مسيطرين عليه، ليسوا بالتأكيد أفضل من فتح، فتح نصابين بإمتياز، لكن يبقى للتاريخ ان حماس على قدر من الجهل والخطورة على الفلسطينيين أكثر من إسرائيل

    ReplyDelete
  6. أنا بالنسبة إلي يا عماد شو ما عملو الحمساوية او الفتحاوية ما بقارنهم بإسرائيل لإنهم شو ما صار بيضلهم عرب و فلسطينيين يعني ما بحطهم بنفس درجة كرهي لإسرئيل :)
    فقط لتوضيح رأيي

    ReplyDelete