December 30, 2009

أيام زمااااااان


رح يستمتع بهادا الإشي يلي رح أكتبو الناس يلي إنولدو بالثمانينات وعاشو بالأردن, أيام ما كان الواحد يصحى الصبح يحضر قرآن على عمان الأولى ويضل يستنى عشان يبلش مخلص صديق الحيوان و بسيط و سبانك و الحوت الأبيض وفي قصص الشعوب أي كنا نحضر البؤساء و الدونكي شوت!!, كان ما في إلا عمان و سوريا , و سعيد الحظ يلي بتلقط عندو السعودية أو قناة إسرائيل مع إنو مش عارف شو كان ييجي عليهم, أي من الزهق أنا و أخوي كنا نحضر بريد الأطفال على سوريا :S أيام ما كان في "أنتين" الله يرحمه شالو و جابو صحن...


أيام ما كان مصروفي 10 قروش و بقدر أجيب في أكثر من شغليتين, وبتروح عالدكانة بتوخدلك وجبة مشبعة 1 روكو + 1 عصير دمعة و بتطلع كسبان, يعني الوضع الإقتصادي شكلو كاين منيح :P على كل حال كان الواحد لا بيعرف سياسة ولا بعرف شو عم بيصير حواليه, كان في عنا لعبة أنا و ولاد عمي كيف بدنا نقتل بوش, شكلو كاين قالقنا كثير زمان, كنّا شعب بسيط... عدوّنا واحد والكل بيعرفه ما بدو ثنين يحكو في, كان التيليفون الأرضي الوسيلة الوحيدة للإتصال... والكل بيحضر نفس نشرة الأخبار ونفس المسلسلات ونفس الأغاني, كنّا بنفرح لأبسط الأشياء و هسة عنّا كل إشي وما في إشي ببسطنا... كان إذا بدك تحب وحدة بدك تحسب ميت حساب كيف بدك توصلها لا في عندها Facebook ولا خلوي يعني إنتا و حظك مع الحمام الزاجل...


أيام ما كان في براس العين ملاهي عمري ما فتها بس بتذكر كان فيها هيك عروس بتدور بتلخم الواحد, و كانت المكتبة يلي عنّا "مكتبة أمواج" بمثابة Toy's R Us بالنسبة إلي, و أول أتاري إشتراها أبوي a77a التكنولوجيا كتبت عنها رولا هون... و بعدها إتطورنا جبنا Family و بعدها Nintendo يلي كنّا ننتفخ و إحنا بننفخ عالشريط (لسا مش عارف وين المبدأ إنك تنفخ عليه).


بالنهاية أنا من أيام ما كنت زغير و بسمع أبوي بحكي آخ عأيام زمان أحلى من هالأيام بألف مرة و ما كنت أفهم عليه, يعني كانو عايشين بلا إشي و كانو مبسوطين؟ وهادا الإشي يلي أنا رح أحكي لولادي بس أكبر لإنو الواحد مش بحس هديك الأوقات أحلى عشان هيه أحلى, لكن بيحسها أحلا لإنها طفولته... و أنا عارف إنو أخوي يلي عمرو هلا 7 سنين رح يكبر و يحكي لولاده نفس الحكي...

31 comments:

  1. :D the best one so far :D i love it
    yazido hehe
    ya zalame ya reat nerja3 la 2yyam mosaddasat 2l fotteash had 2lshree6 2l27mar :D

    ReplyDelete
  2. 6esh 6esh 6esh hehehehe hek kano soto el mosaddas heheheh kanat bs tekbes m3na njeeb el 7ajar o fagg3o hehehe

    3a rasi NIIDOOO :D

    ReplyDelete
  3. btetzakaro 2yam 2bu elhana o 5airo o 3eelet 5ams njooom elly 3ednahom alf marra wala konna bnezha2 menhom.............

    ReplyDelete
  4. heheheheh ya 5eroooo yabo el hanaaa ya ya ya 5erooo hehehe
    o 3elet 5ams njooom (a7mad balaleesh) hehehe

    ReplyDelete
  5. hahahaha 7ajar o efga3o o 2jra7 2sba3ak ya walad :D
    7alawet-ha b basa6et-ha ..bas yen3an 25t 2lsha3`le ya3ne lazem 2lwa7ad 2ykon mabsoo6 zaman aktar men halla2 ..i guess not .. 27na bas benrakez 3a had 2l part o bne7ke zaman 27la ..27na 3eshna hadek 2lfatra o 2nbasa6na ..
    i bet 2nno halla2 27la 2nno bnegdar ne6la3 2mta ma bedna ..o 2nna benjeeb " masroofna " la7alna w ma 7ad bes2alna weano .. o 27la 2nno 3enna net o telephonat ..
    bas 2l be7zzen lamma tla2e walad z3`eer ma3a moile 2jdad men 2le ma3e o ma3ak o mesh 3ajbo ..
    hon fe moshkele yaZIDO

    ReplyDelete
  6. hehehehhe YaNIDO
    ylle beghar enno ana ba7ki la a5oy hll2 ayyam zaman ma kan 3nna telephonat o ento hll2 3ndkom 6b a5ouy sho r7 ye7ki la ebno?
    r7 ygolo ana 3a ayyami ma kan 3nna 6ayyara msh 3ajebtak el F16?!! :P

    ReplyDelete
  7. hehe ... ra7 ye7keelo ..27na belzamanat kan 3enna Austen ..ma kan fe 3`earha 3`ear thalath ..wa7de 3enna ..o 2ltentean b 7aret Sheeekaaa3`o ..hehehe mesh 3ajebtak 2l Lumbergine !!

    ReplyDelete
  8. sheeeeeeeeeka3'ooo HEHEHEHHEHHEHEHEHHEHEEHEHHEHEHEHHEHEHHEEHHEHEHHEHEHEHHEHEHHEHEHEHHEHEHEHHEHE

    ReplyDelete
  9. Wallah kanat 2ayaaam betjannen, halla2 ma fe 2eshe bebse6 ka2eno, 7atta el cartoon ma fe 2eshe 7elo kullo sho3'ol wlad z3'ar m3 2enno marat b7esso ma benfa3 lal wlad elz3'ar :$

    baba kteeer b7kelna 3an 2ayam zamaan w 7alawet 2yyam zaman, be7kelna 2eno kan ya5od yemken 1\5 rateb halla2 w kan mabsoo6 2aktar men halla2

    Allay ye3edhaa hadeek el2ayaam :)
    7akeet kteer ka2enny :")

    nice post ya man :D

    ReplyDelete
  10. :D hello whisper :D you're back ba3da 3'yaben taweel :P i read that you're busy at work :P
    anyway thanks for passing by :)))

    ReplyDelete
  11. its adorable ... i like it ... btw ... am samer liswi the admin of Osama Hajjaj Fan page and i really like your posts man !!!

    ReplyDelete
  12. :D heeeey thank you man !! i used two pictures for Osama in my articles :D he's awesome :D
    thanks for passing by :D

    ReplyDelete
  13. a555555555555 3ala ayaaam zamaaaaaaaaaaaaaaaaaaaan:((

    kanat jad esmha ayam!!

    ReplyDelete
  14. hey Ahmad :) 2a wallah ayyam ayyam :D 7ases 7ali alf saneh 3mri :P:P

    thank you for passing by :D

    ReplyDelete
  15. ايام زمان ما بتمنى ارجعها بس بتمنى ترجع بساطه هديك الايام بتمنى ترجع راحه البال الي بطله موجوده بالمره بهالوقت بتمنى لمن اجي بدي احط راسي على المخده وانام افكر بس بالنوم
    وافكر كيف راح اعمل الكيكه تبعتي كنت اعملها بالرمل والمي الطينه ) وبعدين اعزم اخواني عليها لوووول

    ما اظني ازا رجعت هديك الايام في الوقت الحاضر الي احنا بنعيش فيه راح نكون سعداء وبنفس راحه البال والبساطه الي كانت على ايامها
    عشان هيك انا ما بتمنى ترجع هديك الايام بتمنى اضل
    بزاكرتي عشان احكيها لاولادي لمن اعجز

    موضوع جميل عن جد شكرا الك
    والله انشالله يجعل ال2010 سنه خير وسعاده عليك وعلى جميع الناس

    ReplyDelete
  16. :))) keket el ramel hehehe 7abait
    :P

    yalla enshallah te7keeha lawladek :D
    happy new year Jarat
    and thanks for passing by :)))

    ReplyDelete
  17. ولك و شرفي بدي اعيط ... لإنو جد نفسي ارجع لزمان ..

    ReplyDelete
  18. :))) thanks for passing by mohannad :))))

    ReplyDelete
  19. نسيت أهم اشي زينغو ورينغو :)
    يييييي وحنا كمان كنا ننفخ عالشريط قال عشان يشتغل..احكيلك السبب تاعنا..احنا شفنا إبن خالتي -كان أكبر منا ب٣ سنين- بنفخ وقلدناه..
    هو الدنيا شوي ماشيه على مبدأ؛
    زرع فأكلنا ونزرع فيأكلون.. بس هون؛
    زمان كان أرخص..بس اليوم حيكون أرخص من بكره..

    ReplyDelete
  20. aaaaaaaaa5 ya ayazid wala bdi abki ma a7la ayma el family o el mario o 6a5 ela ba6!! o sandybell o sali o hal 2esqs hai!!! enta knt breeze had kayn 3'ni ana knt a5od shelen o sandwech!! o eza kant emi t3tini 7abet choclate mn el bet el sob7 ra7 3lik el shelen ya abu shreek!! 7ta cartton hal ayam ma bfhmo digital o ma b3rf sho 7as 7ali b7dr star war!! wala knt 3m b2ra o bd7k mn kl 2lbi.. thx so much
    http://www.youtube.com/watch?v=MxoxLT4F_wM&feature=PlayList&p=2320A7914D510526&playnext=1&playnext_from=PL&index=21 had link l vedio bzkrk bsh3'lat btbkii!!

    ReplyDelete
  21. :D:D thanks for passing by anonymous
    bs msh 3aref leh 7assak wa7ad mn araybe :P
    keep visiting the blog :)

    ReplyDelete
  22. lol!! no ya man mo mn 2raybk bs 7bet ur blog it great keep going

    ReplyDelete
  23. hehe anyway you're welcome buddy :)

    ReplyDelete
  24. amazing Blog yazan.. jad alwa7d lsa b 20 w sarna nt7sar 3 ayam zman sho bdna n3ml lma nser b 40... wela sho al 2yam ale r7 nkon feha!!! :/
    Isra'a albadwan

    ReplyDelete
  25. heheheh la2 Jd mish tbe3iiiiiiiiiiii m3 eni mu metzkreeh niss yali 7aketuu bss la2 fe zakerah mnee7a (^^) mish tabe33iii 7abeeeeet :)
    bss u yazid enta wa7d mish mnhoooon amazning

    ReplyDelete
  26. Anonymous :) thank you :))) and my name is YAZID :P m3lesh 3ndi 7asasyeh mn esmi :P keep intouch ;)

    Sajida walek ana mn hooon hehehe thank you and i'm glad you like my blog :)

    ReplyDelete
  27. ayam ma kona nel3ab 7 7ejar bel 7arah w kona nro7 3al madraseh mashi b a5er ednya b 3ez elbard w m3 haik kona mabsoteen :)

    ReplyDelete
  28. allah yer7am ya suzanna :))))
    walah kan a7la kollo :D


    thank you for passing by ;)

    ReplyDelete
  29. you are right, god i wish all the days to come back since childhood to uni days, kona nonfo5 3l shreet 3shan btjama3 3aly '3abara ( or so we thought lol)

    ReplyDelete
  30. Good Old days :D
    yen3an 3'abara btw :PP

    ReplyDelete
  31. شكرا ً لتذكيرنا بالأيام الخالية :))

    ReplyDelete