September 21, 2009

أغنيلك؟ أرقصلك؟ تجاوب هالسؤال و تخسرلك ربع ليرة؟


في شغلة صايرة هالأيام انو شركات الإتصات عم تستغل المشتركين و المشترك ولا عبالو… شغلة الدعايات يلي عم توصلني و توصل كل واحد… دعايات و مساباقات و ربحت مش عارف شو و نزلت أغنية أهل العزم على مكتبة الأغاني فقط بـ 35 قرش… فا الواحد ما بيرد بيرودو يبعتو صارت الأغنية بعشرين قرش… بعدين صارت ببلاش بس بعرض أختك نزلها! غير المساباقات التافهة… و بصراحة الأتفه يلي بيجاوب شركات هالنصب العلني…

طب أنا ما بدي حدا يبعتلي مسجات و ما بدي دعايات و حكي فاضي, حقي إنو رقمي ما يستغلو حدا عشان دعاية ولا مش عارف شو… أنا حكيت مع أمنية و قلتلهم ما بدي يوصلني إشي عشان ما إلي أيا مصلحة بأيه عرض بيعملوا أول أكم أسبوع والله و بطلوأ يبعتوا و بعدين ردو رجعوا… فـرديت حكيت معهم, ثاني مرة كان جواب البنت يلي ردت علي إنو إنتا من مشتركينا و إحنا إلنا الحق انو نبعتلك, فحكيت مع حدا من أمنية بيفهم بهالشغلات حكالي مرات بيوصلك مسج من شركة غير شركة أمنية و بتكون دعاية طبعاً, شركة أمنية بتبيعهم الأرقام تاعتنا! طب وين الخصوصية! و حكالي إنو في شغلة إسمها القائمة البيضاء ((White List هاي القائمة بالأرقام يلي ممنوع ينبعتلها هاي الدعايات... و كل مشترك إلو الحق إنو يكون فيها, و حكيت مع خدمة المشتركين و خليتهم ما يبعتولي مسجات... فياريت كل واحد يحكي معهم , الله بعينكم على هالخمس قروش تعون خدمات المشركين, بس عشان تعرف شركات الإتصالات إنو مشتركينها ناس واعية ليلي عم بيصير...

يعني إحنا شركات الإتصالات صايره ماخدة علينا للسما! من خدمة التقارير يلي صارت بقرش لقصة إدفع بعدين إعترض, للخدمة الزبالة يلي بدك عالقليله 15 دقيقة لبين ما يردوا عليك إذا ردوا كمان... والشعب بيشحن الموبايل و ساكت...
أي أنا لو إني شركة إتصلات و عندي مشتركين زي هيك! إلا أنزل خدمة قرشين ع كل Miss call... وهادا الغلط مش عالشعب بس, كمان في غلط عالحكومة يلي سايبيتهم يعملوا يلي بدهم إيا...


يزيد

8 comments:

  1. Simplyyy TRUEEE !!! i Wont say anythng else...TRUE TRUE TRUE !!!

    ReplyDelete
  2. hehe 3'areebeh lynzo ma katbat jareedeh hehe
    lynzo 5odi ra7tek hehehehehe
    Yazid

    ReplyDelete
  3. That sux..Though it would be way better than taking 1 JD rosoom jami3aat..and leave you in a very bad situation..

    ReplyDelete
  4. lol yeah thats another story :) hehe
    welcome to our Blog Rula :)
    Yazid

    ReplyDelete
  5. I called them zillion times and as u said they stop for a week then start sending again

    I'm going to call them now and asked about the white list ...thanks Yazid

    ReplyDelete
  6. you're welcome :))
    and finally now they're not sending me anything :)

    take a good care of yourself ;)
    Yazid

    ReplyDelete
  7. يزيد... شكرا كثير على هاي المعلومة :)

    أخوي مرة اتصل على زين يشتكي من الدعايات فالرد كان انه هاي دعايات من شركات خارجية مش من زين وهم ما الهم دخل فيها..فأخوي رد عليهم انه بتتهبلوا ما انتو بتستفيدوا من هاي الدعايات وصارت بموافقتكو... بس ما بعرف بصراحة شو صار معه.

    ReplyDelete
  8. :) you're welcome dreamy Villager

    i hope it went well with him...
    but at the end its our numbers and should not be used as an ad tool :S
    wallah its annoying :S

    anyways thanks for passing by :)
    Yazid

    ReplyDelete