August 28, 2009

فينا ولا فيهم؟


أنا قصتي قصة مع الأغاني العربية, أول إشي أنا بسمع أغاني أجنبي أكتر من العربي, بس شو يلي خلاني أعمل هيك؟ و شو يلي خلاني ما أحس إشي لما اسمع أغنية عربية..
صار الواحد لما يسمع أغنية عربية ما يلاقي فيها آلات موسيقية كلة عالكمبيوتر, و تكنو والصوت معدل... الأغنية على طبقة وحدة و إزا قلب الطبقة بنشز... الكلمات أتفه من هيك ما بتلاقي, مغنيين على قفا مين يشيل, إزا كانت الأغنية باللبناني و بدو يزبط القافية الكاتب بيدخيلو كم كلمة مصري إنو كيف ما بتعرف و بيجوز يدخل عربي فصحى كمان.
بكون قاعد مع صحابي, و حاطين عالراديو , ما بتلاقي إلا واحد نط بحكيلك: خلي, خلي خلي... هاي حلوة الأغنية... طبعا بتكون الكلمات إشي مسخرة, فإنو بسأله شو عاجبو فيها, فا بحكيلي إنو بعرف إنها مسخرة الأغنية بس حلو الواحد يسمعها, و أنا هاي ما دخلت بمخي, كيف مسخرة و حلوة؟ هلأ أنا لقيت شو المشكلة عنا... إحنا بنسمع الأغاني مرة و مرتين و ثلاث مرات الواحد عالمرة الرابعة بيصير يغني مع الأغنية... شوية ولا بيصير يحبها... و بعد شوي بيقتنع إنو الأغنية إبداع, شريط عمر دياب الجديد هو أحسن مثال للي بحكي عليه...
أنا ما بنتقد كل الأغناني العربية لأنه أنا بسمع كثير شغلات... مثلا لما صاحبي حط أغنية طوق الياسمين لماجدة الرومي أو أغنية ممنوعة أنت أو يا لور حبك أو...أو... و ألف أو بس وين راحو هدول الناس؟ وين راح الفن الراقي... الناس بطلت بدها هيك شغلات... عشان هيك كاظم نزل أغاني "فايعة" عشان الناس ترضى... نزل من مستوى... فالعيب مش بالفنانين العيب فينا...
لينا شماميان فنانة رائعة صوت جميل جدا... بس ليه ما بنشوفها عالتلفزيون؟ أو البوسترات معبية البلد فيها؟ لأنو هيك إحنا بدنا... وبتطلعلك وحدة بتحكيلك إسمع بس إسمع...أي و الله ما حدا سامع إلا إلك...
يزيد


13 comments:

  1. حلو حلو
    حبيت الأعتراف بالنهاية انه الشمكلة مش بالأغاني والفنانين على قد ماهي مشكلتنا احنا ,, احنا كيف مننتقي الأغاني والموسيقى ياللي بدنا نسمعها

    كل ما الواحد نضج وعقله كان شغال بضل بيرفض كل الأغاني العربية الجديدة , لدرجة انه ممكن يسكر دانه ويقول دخلكم بكفي هبل وجعتولي راسي


    هلأ انا معك انه الفن البديل والأغاني اللي فيها موسيقى صح بتعبي الراس وفيها صوت رائع مش عم بتكون اغاني مسموعة عالتلفزيون او على الأذاعات , بس بنفس الوقت هلأ مع وجود الفيس بووك بالذات عم بكون التعرف عهدا الفن كتير اسهل , وعم نكتشف اننه رغم انه هاي الأغاني مش مدعومة من قبل شركات الأنتاج بس مشهورة والها كتيييير جمهور

    بمهرجان الأردن قبل شهر كان مدعو تقريبا اغلب الفنانين الرائعين واللي بغنوا اغاني اكتر من رائعة و الملفت انه كان الجمهور من الشباب الأردني كتير كبير

    شوي شوي عم بتشتهر هاي الأغاني وعم نصير احنا الشباب الي رافضين منطق الأغاني التجارية العربية اللي بتستهبل كيف منفكر وكيف منحس وكيف منحب عم نصير ننتقي اكتر شو بدنا واحنا اللي عم نختار شو نسمع مش المنتج والمغني اللي عم بخترلنا شو نسمع


    لينا شماميان , ريم بنا , ريما خشيش , شربل روحانا , مكادي نحاس, نديم محسن وزياد سحاب,باسل زايد , سعاد ماسي

    وكتار من المغنين اللي بس تسمعهم بتعشق تفاصيل الحالة اللي بتعيشها مع الآلات والصوت الروحاني والآداء الخيالي

    ReplyDelete
  2. طبعا من طريقة حكيك أكيد إنتي ريم D:
    أنا موافق معاكي 100% و انشاالله مفهوم الأغناني عنا يتغير... ونصير أوعى من هالناحية...
    شكرا ريم :)

    يزيد

    ReplyDelete
  3. السلام عليكم ،،
    فرح و يزيد ، انا اول مرة بدخل مدونتكم وان شاء الله ما تكون آخر مرة

    بالنسبة للأغاني، فعلا الواحد صار احسنله يسمع اجنبي لحتى يلاقي أساليب جديدة بالتعبير عن كل شي (مش بس الحب يعني) !

    وبالنسبة لمطربين زمان.. فما بتوقع انهم رح يرجعوا مرة تانية إلا طبعا لو أراء المستمعين اتغيرت وصار المستمع يطالب بشي محترم .. وغير عادي

    لكنه زي ما نحنا شايفين الكل مبسوط ع نانسي وهيفا وتامر.. وشلة الهمل !!

    سيدي.. الله يذوقنا حلاوة أيام زمان ،،


    ورمضان كريم ~

    ReplyDelete
  4. شكرا lady :)
    المدونة تاعتنا لساتها جديده و إنشالله المواضيع يلي رح انحطها تكون تعجب الكل...
    :)

    يزيد

    ReplyDelete
  5. ان شاء الله اكيد رح تعجب الكل ما دامها طالعة من القلب

    مبروكة المدونة وموفقين ان شاء الله

    ReplyDelete
  6. أنامثل حالكم ما بسمع غير أجنبي بس مش أي أجنبي فمثلا
    الميتال لو تقطع راسي ما بسمعوا لانوا حكي فاضي وما الو معنى و اللي بسمعوا مش داريين وين الله حاططهم وبسمعوا على أساس انهم دواوين.برضوا الراب قال شو بحكوا بسرعة بس تعال جرب ترجم الحكي رح تصير تضحك عحالك.أما بدك الحكي الصح فأسمع نيكل باك أو باك ستريت بويز . بالخلاصة العربي و الاجنبي كل شي الو أيجابياته و سلبياته

    ReplyDelete
  7. إحنا بنسمع عربي, بس الإنتقاد كان عن الأغاني العربيه الجديدة و بذوق الناس هالأيام...
    و بالنسبة للأغاني الأجنبي Metal and rap music هاي نوع من الموسيقى يا بتحبها يا لأ , مع العلم إنو الـ metal في كتير شغلات إبداع و فن والراب كمان ...
    بس الأغاني العربي أغاني المفروض إنها تكون أغاني بمستوى راقي ... يلي عم نفتقده هالأيام...
    شكرا على التعليق

    يزيد

    ReplyDelete
  8. walah ya yazid ;D kalamak saaa7 :D
    ana wa7deh mn el nas ele bsm3o english songs am nt sayin tht i dont listen to arabic songs :D but it doesnt mean tht i enjoy them as well...itz jst becomin as a matter of fact simply goin as a habbiet ....as for latest songs we hear...Itz a result from us....well we choosed tht....were the ones whos made them famous and encourge them to move on.....and as for truly amazing singers...they are becoming trulyyy bad ....to be honest i adore amr diab..but after hearin his last album and hearing ur openion about it....i do admit..itz nt like AMR DIAB THE KING ....but comparing to others...he still going gd :D am nt sayin tht coz am fan...itz jst...if we looked around nd heard all the crap around...dam it shitty :D sry for bad words...but thtz the truth :D for example thres a song tht has these lyrics (7ot el no2at 3ala el 7orof 2bl ma ntla3 sawa 3al roof )WT A B****Y Song...dam it...and somtime...many guyz only watch the video for sexy scenes and offensive sometime...thtz all effectin our society...coz after seeing all these vedios and pictures...itz makin us ( gurls ) look cheap...or simply guy are expecting guyrlz in thier society to be the same !!!! or at least look alike !!!any way....ive wrote tooo much...but i only hear english songs and watch vedios for english singers...not coz i hate arabs...but at least they are acting on thier nature...i mean...itz normal for them to hve gurlz in bikinis and on the beach or simply in bed...coz thtz the way they live...and itz dam normal for them...but us moslims or at least arabs...we hve culture nd morals ...lets stick with them...i swear they will make us better...am nt sayin tht we should stop watchn arab vids or even make arab vids....but we can make a decent ones tht if a anyone watches this vedio..wont b sayn wheres morality !!! goddd ive spoke too much :D enough....in the end let show other ppl how should we act !!
    by the way itz effecting our arabic language..am one of the ppl tht really started to hate arabic !!! esp after arabic songs !!! i hope we will be better by time...ENSHALLAH !!
    Thx again yazid
    Urz : lyne

    ReplyDelete
  9. its okay lynzo you can write as much as you want :)
    and i'm really.... glad you started to think about new amr diab's album :P
    you said something really great about the arabic video clips these days...that they're using the Hot scenes to attract hal sha3eb el (balash 27keeha akeed 3reftooha)
    el benet ylle bedha t3'anni bedha tnafes bel tashlee7 3shan tseer mashhoora
    kol ma tetshalla7 kol ma zadat el shohra... o msh daroori sho 3m te7ki l2nno lamma hayfa tetla3 t3'anni fekrek fee 7ada bekoon mda2e2 3al o3'nyeh ;) kollha betkoon todros el video clip draseh !!

    ReplyDelete
  10. An addition , they are goin with the phrase tht says ( kol ma atzene2 22la3 ) lol
    Thx again ;)
    Urz :lynz

    ReplyDelete
  11. hhhhhhhhhh

    thats right

    i dont listen to arabic music either!!!

    ReplyDelete
  12. i'm actually now addicted to Julia Botros hehehe
    and i do lsn to arabic music
    but the good ones ;)

    Yazid

    ReplyDelete