واحد من أكثر المواضيع إستفزاز بمجتمعنا بالنسبة إلي بعد الثقافة الموسيقية هو موضوع الزواج التقليدي, يلي مش عارف كيف بنت بتقبل عحالها تكون بموقع بوكسة فقوس مع إحترامي لكل البنات يلي تجوزو بهالطريقة, و تخلي واحد يجي يطلع عليها و يفحص و ينقي…
و مش عارف عن الشب يلي لا بيكون بعرفها ولا عمره شايفها ولا بيعرف إهتماماتها لهل بنت كيف بده يقضّي معها كل حياته, قال والله رحنا و شفناها مشالله عليها جمال و أدب و أخلاق!!! طب ما أنا لو رحت أخطب هيفا وهبي رح تقلب شريفة مكة بالبيت…
السيناريو الأول: إنه الشب بده يخطب صاحبته, فبيجي على أهله و بيحكيلهم, طبعا أول جواب رح ينحكاله "هيه صاحبتك يعني كانت مصاحبة غيرك" و بيبلشو يشككو بالبنت و همه مش عارفينها, طب برأيكم شو الأحسن؟ تتجوز وحدة إنتا مصاحبها و عارف شخصيتها… ولا وحدة رحت عندها 3 أيام و بعدها سألت عنها الجيران و أهلها و حكولك إنها منيحةّ!!! شو بيضمنلك بهاي البنت! ولا عشان أهلها محترمين لازم تكون محترمة؟ ياما كان لكل عيلة بلوعة… ممكن تكون هيه هالبلوعة.
السيناريو الثاني: البنت مصاحبة الشب, و همه تقريباّ قد بعض و الشب بيبني بحاله لسه… و تيجي عليه البنت تحكيله أنا كل يوم عم بيجيني عرسان عالبيت و مش قادر أشرح لأهلي الموضوع! هون بتصير هاي العلاقة ضحية عاداتنا, البنت ما بتقدر تروح على أهلها و تحكيلهم هيك هيك هيك لإنه يا إما بتروح فيها طخ,
يا بيجوزوها إبن عمها عالبدري, يا إما إذا كانو كثيييير منفتحين بيحكولها جيبي بكرا يخطبك… طبعا الشب بيكون لسا يدوب بلش يشتغل و بيسكر عالموضوع…
يا بيجوزوها إبن عمها عالبدري, يا إما إذا كانو كثيييير منفتحين بيحكولها جيبي بكرا يخطبك… طبعا الشب بيكون لسا يدوب بلش يشتغل و بيسكر عالموضوع…
السطحية: بحس عنا كثير سطحية بالتعامل مع أمور الزواج… من ناحية البنت إنه لازم الخطبة و العرس بأحسن فندق و عشا و شهر عسل بكوالا لمبور و شقة بدير غبار مطلّه عالبحر الميت و أهم أهم أهم أهم إشي المهر!! هادا يلي يتثبت في ذاتها… يعني مش حلوة تتطلع بالرخيص, يعني ما بتطلع بأقل من 9! موديل سنتها البنت شو بتحكي إنتا! طب ما هوه يا بنتي رح يتشحطط تيجيب المصاري و يشحططك معه, هيه بتكون ناسية إنها تجوزته و رح تعيش معا؟؟؟ و الشب طبعاّ السطحية تاعته على أسخم... بيكون بيدور عالشكل الأخ و إذا بترد عليه ولا لأ و إذا إمه بتحبها.
سن الزواج: سن الزواج أنا برأيي للمرأة من 24-100 ما في إشي بقاموسي إسمه عانس, بمجتمعنا نسبة العنوسة عاليه زي ما بيكتبو بالجرايد… عنّا بالأردن العانس هيه يلي صار عمرها 26!! و ببعض المناطق 24 عانس… فغصبن عنها بدها تكون نسبة عالية مع الأزمة الإقتصادية, يلي الشب بيكون عم بيفكر كيف بده يغطي مصاريف الخطبة و العرس و المهر و البيت و و و و…. فبيحكيلك ليش أجيب لحالي الهم؟ هينا عايشين…
الطلاق: نسبة الطلاق عنا بإرتفاع مستمر و طبعا بما إنه الواحده متجوزة عشان المصاري و نكبته للزلمه رح تفرط الشغلة… أو هوه من سطحيتة ماخدها على شكلها أكيد كمان ما بيكملو…
بالنهاية الموضوع كالتالي:
- المفروض: لقاء , إعجاب, حب, خطبة, زواج.
- الواقع : لقاء, خطبة, إعجاب, زواج, و عاد الحب إنتا و حظك!
فكيف بنتوقع حياه زوجية ثابتة إذا أهم عنصر مش موجود فيها؟
As i said i never agreed with u...but i gotta admit...this one is reality..its more than true...its a hurtful truth...but this is life..one opinion cant change it:(
ReplyDeletegood one yazid...keep it up;)
interesting :)
ReplyDeleteطيب و الحلّ؟
ReplyDelete:)
tab hala enta 3m bet2ool eno lazem el bent tet3araf 3a aktar mn wa7ed la 7ata tla2ee el shab el monasab ???w nafs el shee el shab ??? 3'abeyeh eno wallah ana a7ke m3 shab w ba3deen ma ye3jebny aroo7 la 3'ero w heek mn shab la shab la 7ata rabak yefrejha :S:S
ReplyDeleteba3deen leh ye3ny mne3teber eno jay yetfa7asha metel el boxeh ma heyeh kaman elha ra2ee fee ...ye3ny hala el boxeh elha ra2yy ?? t2ool la2 ma bedy had el sha5s yeshtareeny??
leh ma mne3teber eno huweh jay yet3araf 3aleeha be 3elem ahelha eno leh lazem tetla3 ma3o 3al coffeshop w hon w hon la 7ata bel a5er te3jebo aw ma te3jebo...btetla3 nafs el shee bel a5er ma huweh heek heek bedo yef7asha w mn hal 7aky :S:S
Hi yazid, in some cases i would admit that arrange marriage is the only option. i.e in my case, i live in europe and would never ever think about getting married to a lady from a different culture. however, i only get less than 1 month every year to visit my family in jordan, and it makes things really harder to get to know any local lady, and stupid im to leave school days in jordan without talking or getting to know the ladies in my classroom!
ReplyDeletein the above situation, its waaaaaay hard to find a lady! even arrange marriage will make it harder on me.. so whats the solution? if you are looking for sex, then all what you have is to shag ladies here. if you are looking for love you can love ladies here. at least you dont pay any penny for that :-)
if you are looking for security and stability, then you should go for local ladies in your native countries, who will shag you, love you, break your pocket and end up by cheating on you!
for gods sake.. am so freaking confused now!
OMG! you're the best yazid! la trod 3la el sh3b el mt5allef had..
ReplyDeleteانا بكره فكرة الزواج التقليدي, لكن للاسف ما لقيت طريقه تانيه
ReplyDeleteموضوع المصاحبه هاي مش الكل بقبلها, غير عن ان اكتر من نص هالقصص بتكون عباره عن تسليه ان كان للبنت او للشب.
مجتمعنا لو بنت كان الها ماضي معين و لما اجت تتزوج ما حكت و ما عرفو العالم بمشي كل شي
لكن لو وحده ما عمرها عملت شي و كتبت كتابها وتركت, الاهل فورا برفضوها
مع انهم لو فكرو شوي بلاقو ان الاولى هي الغلط, لكن العالم بتحب الاشي المخفي, بتحب انها ما تعرف وبس
صحيح نسيت احكيلك.....وين هالغيبه :)
ReplyDeleteويلكم باك
salamo 3alaykom , ana bat5ayal eno el kalam elle 7aketo wrong , wel waki3 elle e7na feh very good , wel daleel eno enta ma btigbal o5tak tet3araf 3ala shab b tareeka gheer makboleh zay ma aghlab el nas bitsawe 7alyan , had awalan , thanyan , mbayn eno enta nathritak la mawdoo3 el zawaj wel banat , still below standrads , cuz in the mean time we realy realy need " sa7bit el deen " rasolna 7aka heek , akeed ma ra7 ye5tare3 min 3indo " rasolna ma byntok 3an el hawa "en howa wa7yon yo7a " so akeed ra7 tetfaja2 bil banat hal yoomen cuz most of them they r not commited to our deen , mosh tshofle wa7deh labseh jeans o ti7kele mo7tarameh !! noway , there is must be some thing wrong , akeed ra7 tlage eshe ghalat feha , finaly plz ma toktobo eshe ghalat cuz fe nas kteer mo shayfeen hal dinya ella min zawyeh wa7deh , fa momkin fe nas minhom y2amno bille btoktobo o binso el sa7 , we still muslims , we still believers , we r not gonna let the friendship system spread in our comuinty , and thx.
ReplyDeleteThis comment has been removed by the author.
ReplyDeleteانا ضد الجواز التقليدي بس بمجتمعاتنا ما بتقدر تيجي وتقول والله هادا البوي فرند تبعي انا نفسي ما بقبلها
ReplyDeleteلكن ممكن تحكي انو الحاضر تبعنا صار اكتر منفتح انا بطلع على شغلي على جامعتي بلتقي بالنصف الاخر بتعامل معو بعجب فيه بعدين بجيب رجلو على البيت هههه شريره انا .. بخلي امي تتفحصو .. والحموات المستقبل يتعرفو على بعض لعلمك هادي اهم نقطه لانو ازا ما صار اتفاق بين الحموات انسى الموضوع من الاخر هاتك يا فكيك .. حبو بعض الحموات بخطبني, بيجي دوري انا بتعرف عليه اكتر وبتفحص في على كيفي نتفه نتفه بعدين بتجوز
وبخلف مفعيص صغيره وخلص العمر خلص
المفروض عندي : اللقاء .. المعامله .. الاعجاب .. بجيب رجلو على البيت .. دور الحموات .. خطبه .. جواز .. واخر اشي مفعيص :)
طبعن الحب موجود بكل مرحله بس بدرجات كل ما نطلع مرحله بتزيد نسبت الحب :)
حلو كتير الموضوع وجدا حساس يعني مش عارفه كيف اجتك الجراه تكتب عنو فعلا كلامك ميه بالميه صح حتى التسلسل الي حكيتو اخر اشي عن المفروض والواقع صحيح :)))
ويلكم باك :)
Hellooooooo everyone :))
ReplyDeletei'm really glad that you all commented on my blog,
thanks for all those who cursed me, that shows how much open minds you have ;) i already deleted the comments :P , and thank for all those who have the other opinion and explained to us why does he support the idea of the traditional marriage, the ones who were with me, i'm glad i found some ppl thinking the same as i think,
Thanks Haitham, kazahr el lawz,Whisper and Jarat for dropping by i'm sorry i'm late and i'm not that active on my blog, but its all cuz i changed my work o hek :P btw Jarat i love your method ;) its kinda mine too ;)
have a sweet weekend everybody :))))
وأنا بقترح بما إنه الجنس هو من مكونات الحياة الزوجية إنه لازم الواحد ينام معها ليلة عالأقل قبل ما يتزوجها علشان يضمن إنه رح يستمتع
ReplyDeleteيعني المفروض: لقاء إعجاب حب نوم خطبة زواج
وعلى هالسيرة ابعتلي رقم أختك علشان أتعرف عليها كمرحلة أولى :(